Húnaflói - Hvítserkur

Já, oss þetta líkar líf!

Mon, 30 Apr 2012 23:08:29 GMT

Orðavinda – íslensk orðaþraut: http://ordid.is/forsida/

Nýja síðan: http://blogg.visir.is/iihjstikill/

Á hótel Kólumbus, dvöldu félagar úr Hörpukórnum vikutíma í októberlok 2011, nýkominn er í leitirnar pésa þaðan og gott að eiga í vændum mynda- og kvöldverðarkvöld með ferðafélögunum 5. maí. http://www.hotel-kolumbus.de/

Þann 30. okt. fór hópurinn í nokkurra tíma siglingu á fljótabáti á ánni Spree, á neðri hæð ferjunnar var framreiddur hádegisverður sem við snæddum, en drukkum bjór í sætum okkar uppi á dekki þar sem við nutum útsýnisins. Didda í Skeiðháholti bauð bjór á línuna, það vorum við Vilmundur bóndi hennar. Bjórinn kveikti stuðla:
Berlín prúða, borgin há
býður fjör og neyslu
okkur skemmtum skútu á
í Skeiðamannaveislu.
IHJ

29. okt. Meira var ort um bjór og samfélag okkar Sunnlendinganna þarna, glaðlegt og frjótt með traustri leiðsögn og umsjón Renötu.

1. Um Germaníu gæðabjór
gestir elska að ræða
í höfuðstað sést Hörpukór
haustauka að græða.

2. Þessir kátir laga leir
og ljóða um sker og boða
upp í turna þyrpast þeir
þurfa heiminn skoða.

3. Já, oss þetta líka líf
er laðar sögu kunna
og Renötu, það rausnarvíf,
rekkar mikið unna.
IHJ

31. okt. Í rútunni á leið í Getsemanekirkju:
Kurteisinni kátir spreða
kórmenn á götu
og vísir eru vers að kveða
vinir Renötu. IHJ

3. nóv. kl. 4 óttuvísa
Berlín þysmörg, borgin hér
býr að fjölmenningu
og næstsíðasta nóttin er
að nálgast dagrenningu.
IHJGlG

Kl. 7 morgunvísa
Flóinn, Selfoss, áin úrg
og Ölfus hrýtur
meðan Ingi í Brandenburg
bjórsins nýtur.
GlG

Kl. 21.30
Um Berlín rennur sprænan Spree
Spandau á vestri bakka
Unten den Linden linditré
láta blöðin flakka.
GlG

Kl. 21.49
Býsna er Glúmur glúrinn
gleymir að fá sér lúrinn
fallinn er fj. Múrinn
fár varð af þessu stúrinn.
Samlag úr Hörpukór: RB&Arnheiður

Heiðmar sá sér í því akk
með öldungum að róa
í sig mjöð og menning drakk
mögur Húnaflóa.
GlG

4. nóv. kl. 14.23
Vísur Glúms hleyptu kæti í samkvæmið kvöldið áður og IHJ sagði honum að hann hefði verið stjarna kvöldsins:

Kvöldsins stjarna á strindi þýskt
starði edrú niður
bölvanlega á bjórinn líst
Bakkus sé með yður.
GlG
1.Straujast mannlífs stuðlalín
stökusmiðir hvessa orð
meðan Bakkus bræðrum sín
býr ið hýra veisluborð.

2. Okkur Berlín blíðu óf
bundin gleði kvöldin löng.
Flóamenn ið fremsta hóf
fundu bæði í versi og söng.

3. Skröfuðu fjölmargt skemmtiljón
sköll og hlátrar glumdu þar
þó engan eftir tíu tón
trommaði nokkur inni þar.
IHJ í tilefni af vísu GlG,
Aldrei var sungið lengur en til 22 í salnum við anddyrið.

dalur bjartur

Fri, 27 Apr 2012 15:23:30 GMT

Gísli Ólafsson frá Eiríksstöðum

– Samkoma í Húnaveri lau. 9. júní kl 14 –

Gísli Ólafsson skáld fæddist á Eiríksstöðum 1885 og kenndi sig við þann bæ en Ólafur Gíslason og Helga Sölvadóttir foreldrar hans bjuggu þar lengi. Gísli varð ungur þekktur af Lækjarvísum sínum sem hann orti um Eiríksstaðalækinn en hann orti bæði ljóð, hringhendur og gamanbragi og flutti gestum Húnavers ljóð á vígsludegi 1957. Af ljóðum hans mörgum og tengingu nafns við Eiríksstaði sést hve hugur hans hefur leitað vestur í Svartárdalinn og hann fær dalabyggðinni gott rúm í skáldheimi sínum. Ljóð hans Svartárdalur hefst svo:

    Dalur minn, í faðmi fjalla
    fögrum skreyttur blómakrans.
    Eins berð þú á vetri og vori
    vott um gæsku skaparans.
    Þótt þú mörgum sýnist svartur,
    sem þér hafa dvalið fjær,
    í mínum huga ertu bjartur
    alltaf – þú ert mér svo kær.

Í Húnaveri verður samkoma laugardaginn 9. júní þar sem verk Gísla verða í öndvegi, kveðnar Lækjarvísur, sungin lög við ljóð hans og íslenskufræðingurinn Kristján Eiríksson mun fjalla um ævi og ljóð Gísla. Kvenfélagið selur kaffi. Samkoman hefst kl. 14

Orðavinda – íslensk orðaþraut: http://ordid.is/forsida/

Nýja síðan: http://blogg.visir.is/iihjstikill/

bálar andartak

Sat, 31 Mar 2012 04:48:12 GMT

Þegar Sigmundur Benediktsson var 17 ára gaf faðir hans honum Bragfræði og háttatal Sveinbjörns Beinteinssonar. Hann bar lotningu fyrir þessum fræðimanni sem óx þegar hann fékk tækifæri síðar á æfinni til að kynnast allsherjargoðanum persónulega. Sigmundur skrifar formála að nýrri vísnabók sinni, greinir þar frá sýsli sínu í Bragatúni og hringhendum ferskeyttum vísum, alls 333, sem eru efni bókarinnar. Bókin heitir Þegar vísa verður til . . .

Stakan

Meðan vakir óðsnilld ein
og andartakið bálar
breiðir stakan björt og hrein
blóm á akur sálar.

Við það bjóðast gleðigrið
að gista ljóðaþáttinn.
Stundir hljóðar styttast við
stefja gróðurmáttinn. SB

Þessi bók er til sölu á Engjavegi 67, senda má línu á ihjstikill@gmail.com

Orðavinda – íslensk orðaþraut: http://ordid.is/forsida/

Nýja síðan: http://blogg.visir.is/iihjstikill/

Um lækningamátt tónlistar:
http://www.visir.is/heimildarmynd-rannsakar-laekningarmatt-tonlistar/article/2012120419760

hér ríkir söngur

Mon, 12 Mar 2012 05:13:27 GMT

Orðavinda – íslensk orðaþraut: http://ordid.is/forsida/

Nýja síðan: http://blogg.visir.is/iihjstikill/

Sögufélagssíðan: http://blogg.visir.is/sogufelaghun/

Hér ríkir söngur

jökulköld elfur og grá

grípur hann hlýjan og ferskan

og ber hann með sér í hafið

Jón frá Pálmholti/Í Bárðardal – kvæðislok

álftakvak og Austurbæjarsystur

Sun, 04 Mar 2012 05:39:46 GMT

Orðavinda – íslensk orðaþraut: http://ordid.is/forsida/

Nýja síðan: http://blogg.visir.is/iihjstikill/

Sögufélagssíðan: http://blogg.visir.is/sogufelaghun/

Vorsins dagur virðist kominn fyrstur

vetrarkvöldin fara að styttast löngu,

álftakvak og Austurbæjarsystur

úti sé á heilsubótargöngu. BGB

Sannarlega fyrsta vorvísan sem berst til ritlarans á þessum björtu útmánaðardögum, kom í gær, laugard. um nónbil.

Guðmundur Sigurður Jóhannsson ættfræðingur hefur sent leiðréttingar við ættstuðla sína af Eiðsstaða- og Guðlaugsstaðaættum og búið er að setja þessar leiðréttingar inn:

Eiðsstaðaætt: http://stikill.123.is/blog/record/440951/
Guðlaugsstaðaætt: http://stikill.123.is/blog/record/440883/

góudagur fyrsti

Sun, 19 Feb 2012 05:16:30 GMT

Silfurplöturnar Iðunnar http://gegnir.is/F/525IP8PC9IKDB1KQG3QM7ELFFIDHG5K86Q494D799MFD2JXCD1-54708?func=full-set-set&set_number=059070&set_entry=000001&format=999

vantar enn í mörg bókasöfn, fór að athuga í söfnum nyrðra eftir símtal í fyrrakvöld. Iðunnarbókinni fylgja 4 diskar með 200 kvæðalögum kveðnum á fyrri hluta síðustu aldar og þar er einnig mikið safn gamalla vísna, 4 í hverju númeri. Sama er um Þjóðlagabók Bjarna Þorsteinssonar.

Þorraþræll er heiti gærdagsins, Þrymur á Húsavík söng í hádegisútvarpinu ágæta útsetningu á þjóðlaginu við ljóð Kristjáns Jónssonar, SEH og aðrir félagar í Fjölbrautarskólakórnum fóru í Langholtskirkju að syngja með Árnesingakórnum, aðrir voru heima, ritlarinn mestallan daginn að fletta gömlum sálmaskrám, þær eru margar varðveittar í kompu sem hann fór að skrásetja 1997, árið sem þeir PIP og Jón Björnsson urðu fimmtugir. Svo heilsar okkur góa í dag, spá um 3 lægðir næstu viku, ætli það merki ekki þeysöm góa og vori vel.

Orðavinda – íslensk orðaþraut: http://ordid.is/forsida/

Nýja síðan: http://blogg.visir.is/iihjstikill/

Sögufélagssíðan: http://blogg.visir.is/sogufelaghun/

Varðveisluvefur - lokaður: http://bard.blogcentral.is/

Viltu koma og sjá hann

Wed, 15 Feb 2012 23:30:54 GMT

Eftir hálfrar aldar töf
ónýtt starf og mæði
leita ég mér nú loks að gröf
langt frá ættarsvæði.
Sigurbjörn á Fótaskinni Jóhannsson, ferðbúinn til Vesturheims/Sv.Beint.

Ég á von á vænum kút.
Viltu koma og sjá hann
toga með mér tappann út
og teyga borðið á hann. Páll Ólafsson/Sv.Beint.

Orðavinda – íslensk orðaþraut: http://ordid.is/forsida/

Nýja síðan: http://blogg.visir.is/iihjstikill/

Sögufélagssíðan: http://blogg.visir.is/sogufelaghun/

vit og fætur

Tue, 07 Feb 2012 09:22:32 GMT

         Hafðu ef þér veitt er vín,
            vinur, reglu slíka:
            Vinna skulu verkin sín
            vit og fætur líka.
                                        Sveinbjörn Egilsson

Orðavinda – íslensk orðaþraut: http://ordid.is/forsida/

Nýja síðan: http://blogg.visir.is/iihjstikill/

Sögufélagssíðan: http://blogg.visir.is/sogufelaghun/

hvað fólst í þínu geði

Sat, 28 Jan 2012 08:13:12 GMT

Amaryllisblóm sprakk út í nótt hér í húsinu, tvær klukkur hafa opnast, aðrar tvær eru að búa sig undir að bætast í hópinn, regn seytlar á glugga og hláka er frá því í gærmorgun en snjórinn var orðinn mikill og lætur lítt undan síga.

Erla Hulda Halldórsdóttir hefur gert bók af doktorsritgerð sinni um menntun kvenna og mótun kyngervis 1850-1903, heitir bókin Nútímans konur, er komin í bókasafn okkar hér í Árborg og þar rakst ég á hana í vikunni. Erla Huld vitnar til fjölda rita og bóka, tekur skýra afstöðu til viðfangsefna og skoðana.

                En hver veit nema finnist þér fávíslegt að spyrja
                hvað fólst í þínu geði
                því ég er máske arftaki allra þinna sorga
                og allrar þinnar gleði?
                        Halldóra B. Björnsson/Á Þjóðminjasafni – lokaerindi
Ritlari getur ekki stillt sig um að setja þennan morgunpistil einnig hér á gamla ritlið. IHJ

Ný síða

Tue, 24 Jan 2012 16:48:27 GMT

Til nýrra slóða er ritlarinn fluttur með vers og mas og blogcentral sem hýst hefur þessa síðu er að flytja úr vefheimum.

Hér er tengill á nýju síðuna: http://blogg.visir.is/iihjstikill/

Víða auglýsa íslensku gistiheimilin
http://www.onlinenewspapers.com/germany.htm
Ljóð Jónasar Tryggvasonar:
http://stikill.123.is/blog/2011/11/11/550654/
Perlu í perluna segir Hjörleifur Stefánsson í Fr.bl. í dag:
http://www.visir.is/perlu-i-perluna/article/2012702049973

Siglufjarðarsíðan:http://siglo.is/

Skeyti og kort frá fermingu Jónasar Tryggvasonar 15. júní 1930 hefur hann varðveitt. Einn gestanna setti óskir sínar í rím.
Sóknarkirkja Tungufjölskyldunnar var í Bólstaðarhlíð og þar varð Jón í Ártúnum, bróðir Jónasar, síðar organisti.

Mig langar að sá enga lýgi þar finni
sem lokar að síðustu bókinni þinni.
Guðm. Jósafatssson

Skeyti og kort bárust frá:

Fjölskyldunni Ytra-Tungukoti

Friðfinnsfjölskyldunni

Hjartanleg hamingjuósk á fermingardaginn Jonni minn frá Lillu

Hjartanleg hamingjuósk í tilefni af fermingunni. Þin Unnur Pétursdóttir

G. Bjarnadóttir

Ingibjörgu Gunnlaugsdóttur

Ingibjörgu Jónsdóttur

Ósk og Guðmanni

þýtur í stráum

Sun, 22 Jan 2012 06:13:42 GMT

Athöfnin var falleg, hátíðleg og ljúf í Löngumýrarkapellu í Hólminum, þe. útför Hebbu í Brekku kl. 14 í gær. Stefán Gísla var organistinn og spilaði auk þess Dimmbláa nótt prýðilega á harmonikku, það var fyrir guðspjallið. Álftagerðisbræður og Sig. Steingrímsson sungu, og Sigurður einsöng í Nótt e. Árna Thorst., Ætti eg hörpu og Heyr himnasmiður voru líka meðal söngvanna, en sem útspil sungu þeir Skín við sólu Skagafjörður, erindin 2 sem algengust eru. Fræðandi ræðu fengum við hjá sr. Gísla, hlýja ræða, lýsti Hebbu vel, búskaparsögu hjónanna og starfa þeirra að félagsmálum heima í sveit sinni, .t.d. voru þau bæði í byggingarnefnd Miðgarðs.

Heimferð gekk vel, kom við í Ártúnum og hjá Heiðrúnu og Sigm. á Akranesi, kom heim á ellefta tímanum, í sama mund og hinir í fjölskyldunni komu frá þorrablótinu á Kálfhóli, þau komu svo snemma vegna þess að unga fólkið ætlaði til Rv. í annað djamm. Jamm.

Víðar voru merkiskonur jarðsungnar en í Skagafirði, uppi í Hrepphólum var í gær útför Arndísar Sigurðarsdóttur í Miðfelli. Þau Skúli Gunnlaugsson bjuggu þar sinn búskap, góðir hagyrðingar og tóku þátt í mörgum mótum og Bragaþingum.

                 Þýtur í stráum þeyrinn hljótt
                        þagnar kliður dagsins.
                        Guð er að bjóða góða nótt
                        í geislum sólarlagsins.
                                        Trausti Reykdal – kvæðalag

Versið hér að ofan var kveðið af Álftagerðisbræðrum í útför H.V.

Nú er komið að flutningi, bloggcentral hefur staðið vaktina árum saman, en er nú að leggja upp laupana, nýtt netfangið er hér: http://blogg.visir.is/iihjstikill/

pólstjarna

Sat, 21 Jan 2012 05:54:57 GMT

Á öðrum morgni þorra finnur ritlari enn hlýju í kroppnum úr heitu pottunum hér á Bakkaflöt, við Siggi sátum úti í gærkveldi um tíuleytið og spáðum í pólstjörnuna og hvort það væri ekki línan í aftari gaflinum á Karlsvagninum sem ætti að stefna á pólstjörnuna.

Í dag stefni ég að því að fara suður eftir jarðarförina á Löngumýri, taka með nokkur Axarsköft hjá Jóa og koma við hjá Heiðrúnu&Sigm. til að bæta á lagerinn. Sigm. hefur verið magnaður í sölunni.

Sólveig Anna Bóasdóttir segir frá verki og framlagi bandaríska guðfræðingsins Sallie McFague í Ritinu 3/2011. McFague leggur áherslu á mikilvægi framlags allra fræðigreina, þar á meðal guðfræðinnar, til þess að finna leiðir til að bjarga náttúrunni og lífríkinu öllu frá yfirvofandi eyðileggingu. Heimurinn og jörðin sem líkami guðs er guðfræðilegt líkan sem felur í sér nýja möguleika á að skilja eðli guðdómsins og mikilvægi heimsins og náttúrunnar. Guðdómurinn er að mati McFague ekki fjarlægur stjórnandi heldur fremur náinn vinur.

McFague hafnar hinni sterku áherslu mótmælenda á persónulegan guð og lýsir því yfir að miðaldahugmyndir um guðdóminn séu meira og minna úr sér gengnar. Vita vonlaust sé að tala um guðdóminn sem hátt upp hafinn, alvitran, allsráðandi persónulegan alvald. Því verði að skilja Guð á annan hátt.

Ritstjórar greina frá efni Ritsins í inngangi, sem heitir Evrópa, ímynd, sjálfsmynd. Þeir helga Evrópu þetta seinasta hefti ársins 2011. Þeir segja: Evrópa er ekki Evrópusambandið þótt erfitt sé að gera greinarmun þar á í daglegu tali. Landamæri Evrópu eru margan hátt óljós – sbr. þáttakendur Eurovision-söngvakeppninnar – og sjaldgæft er að menningarleg og landfræðileg mörk liggi saman. Ritið:3/2011

Hefurðu prófað orðavinduna á þorra: http://borgar.net/programs/ordavinda/ ?

þorradagur fyrsti

Fri, 20 Jan 2012 07:31:39 GMT

Skafrenning fékk ég í Húnavatnssýslunu á leið minni norður á Bakkaflöt í gær, stansaði hvergi nema skildi eftir pakka í Víðigerði, hríðarveður var í Blöndudalnum fyrripart dagsins en létti undir kvöldið.

Fyrsti dagur þorra, föstudagur, bóndadagur er í dag:

Kristján Jónsson orti Þorraþræl 1866 en margar þorravísur hafa verið kveðnar fyrir og eftir það hörkuár: http://is.wikipedia.org/wiki/%C3%9Eorri

Elstu skógarreitir sem nú eru til af ösp eru í Austur-Húnavatnssýslu og á Suðurlandi: http://halldors.blog.is/blog/halldors/entry/1161755/

skipt var enn út skörðum hlut

Thu, 19 Jan 2012 05:00:49 GMT

...

Kringum tvítugsaldurinn hafði hann farið einn suður á vertíð. Þar kynntist hann stúlku og áttu þau saman vetrarlangt samband en upp úr slitnaði eins og stundum gerist. Stundlegur samsláttur tveggja sálna, sem áttu það eitt sameiginlegt að vera saman á vertíð og svo ekkert meir, reyndist ekki mikið byggingarefni í varanlegt samband. . . . Því fór sem fór. Afrakstur þessa ástarsambands varð drengur sem nú var kominn undir tvítugt . . . „Heldur þú Jón, að ungur maður suður á landi kæri sig eitthvað um að kynnast drykkfelldum verksmiðjukarli norður á Raufarhöfn?“ Nýja bókin Jóns Hjartarsonar er bæði sagnfræði og sögur úr lífinu, af verksmiðjukörlum á Raufarhöfn, menntaskólakrökkum frá MA og heilmikil úttekt á síldarárunum á Íslandi frá 1960 til 1967 og „tileinkað fólkinu á Raufarhöfn sem lagði sig fram en bar skarðan hlut frá borði þegar yfir lauk.“ Jón Hjartarson/ Veislan í norðri, Vestfirska forlagið 2011

Það sem er bæði gott og vont, hvernig á að taka afstöðu til þess segir Pétur Gunnarsson rithöfundur/Læsi er lífsgæði: http://vefblod.visir.is/index.php?s=5743&p=125824

Lognkyrru má kalla veður blaðberanna í morgun, óþarfir mannbrodda sagði blaðberinn sem ég hitti í morgun, en í gær vorum við báðir á broddum.

Vinaþanka má kalla góðan pistil Sig. Árna í blaðinu í dag: http://vefblod.visir.is/index.php?s=5743&p=125828

frjósa skór

Wed, 18 Jan 2012 04:29:58 GMT

Í kirkju

                    Kuldinn gerir bláan bjór
                            á bókaþór við morgunslór
                            kraftur er sljór, en fjörið fór
                            frjósa skór í Urða-kór.

Á vökunni

                            Grundarvakan grunar mig
                            gjöra mun sult í okkar búk,
                            sjöstjörnurnar sýna sig
                            suður á móts við Stórahnjúk.

Draugavísa

                            Endast dagur, eg það finn,
                            eitthvað er nú á ferðum,
                            drottinn leiði drösulinn minn,
                            dimmt er á Bakkagerðum.
                                            Magnús Einarsson á Tjörn 1734-1794

Tveir dagar til þorra, þ. e miður vetur.

Hregg í hægri norðanátt, pollar í förum, það glymur í þöglum húsum þegar bréfberar þramma um klökugar gangstéttar og mannbroddarnir hlymja við ísinn. Nýlega er búið að festa upp blaðakassa eftir áramótin, en þá voru þeir teknir niður til að varðveislu en hafa stundum orðið að skotspæni.

Jólatréð vökað ennþá, Fr.bl. í dag:
http://vefblod.visir.is/index.php?s=5740&p=125774

Úttekt á máli Geirs Haarde gerir Kolbeinn Óttarsson Proppé

http://vefblod.visir.is/index.php?s=5740&p=125764

    Lítum á veðurannál grannans á Bakkanum http://brim.123.is/blog/2012/01/15/594375/

    Akureyrarvefur:
http://www.visitakureyri.is/is/akureyri-150-ara/akureyri-150-ara