Hafðu ef þér veitt er vín
            vinur reglu slíka:
            Vinna skulu verkin sín
            vit og fætur líka. 
                                        Sveinbjörn Egilsson

Orðavinda – íslensk orðaþraut: http://ordid.is/forsida/

Nýja síðan: http://blogg.visir.is/iihjstikill/

    Amaryllisblóm sprakk út í nótt hér í húsinu, tvær klukkur hafa opnast, aðrar tvær eru að búa sig undir að bætast í hópinn, regn seytlar á glugga og hláka er frá því í gærmorgun en snjórinn var orðinn mikill og lætur lítt undan síga.

    Erla Hulda Halldórsdóttir hefur gert bók af doktorsritgerð sinni um menntun kvenna og mótun kyngervis 1850-1903, heitir bókin Nútímans konur, er komin í bókasafn okkar hér í Árborg og þar rakst ég á hana í vikunni. Erla Huld vitnar til fjölda rita og bóka, tekur skýra afstöðu til viðfangsefna og skoðana.

                En hver veit nema finnist þér fávíslegt að spyrja
                hvað fólst í þínu geði
                því ég er máske arftaki allra þinna sorga 
                og allrar þinnar gleði? 
                        Halldóra B. Björnsson/Á Þjóðminjasafni – lokaerindi
Ritlari getur ekki stillt sig um að setja þennan morgunpistil einnig hér á gamla ritlið. IHJ

    Athöfnin var falleg, hátíðleg og ljúf í Löngumýrarkapellu í Hólminum, þe. útför Hebbu í Brekku kl. 14 í gær. Stefán Gísla var organistinn og spilaði auk þess Dimmbláa nótt prýðilega á harmonikku, það var fyrir guðspjallið. Álftagerðisbræður og Sig. Steingrímsson sungu, og Sigurður einsöng í Nótt e. Árna Thorst., Ætti eg hörpu og Heyr himnasmiður voru líka meðal söngvanna, en sem útspil sungu þeir Skín við sólu Skagafjörður, erindin 2 sem algengust eru. Fræðandi ræðu fengum við hjá sr. Gísla, hlýja ræða, lýsti Hebbu vel, búskaparsögu hjónanna og starfa þeirra að félagsmálum heima í sveit sinni, .t.d. voru þau bæði í byggingarnefnd Miðgarðs.

    Heimferð gekk vel, kom við í Ártúnum og hjá Heiðrúnu og Sigm. á Akranesi, kom heim á ellefta tímanum, í sama mund og hinir í fjölskyldunni komu frá þorrablótinu á Kálfhóli, þau komu svo snemma vegna þess að unga fólkið ætlaði til Rv. í annað djamm. Jamm.

    Víðar voru merkiskonur jarðsungnar en í Skagafirði, uppi í Hrepphólum  var í gær útför Arndísar Sigurðarsdóttur í Miðfelli. Þau Skúli Gunnlaugsson bjuggu þar sinn búskap, góðir hagyrðingar og tóku þátt í mörgum mótum og Bragaþingum.

                 Þýtur í stráum þeyrinn hljótt
                        þagnar kliður dagsins.
                        Guð er að bjóða góða nótt
                        í geislum sólarlagsins. 
                                        Trausti Reykdal – kvæðalag

Versið hér að ofan var kveðið af Álftagerðisbræðrum í útför H.V.    

Nú er komið að flutningi, bloggcentral hefur staðið vaktina árum saman, en er nú að leggja upp laupana, nýtt netfangið er hér:  http://blogg.visir.is/iihjstikill/

    Skafrenning fékk ég í Húnavatnssýslunu á leið minni norður á Bakkaflöt í gær, stansaði hvergi nema skildi eftir pakka í Víðigerði, hríðarveður var í Blöndudalnum fyrripart dagsins en létti undir kvöldið.

Fyrsti dagur þorra, föstudagur, bóndadagur er í dag:

Kristján Jónsson orti Þorraþræl 1866 en margar þorravísur hafa verið kveðnar fyrir og eftir það hörkuár: http://is.wikipedia.org/wiki/%C3%9Eorri

        Elstu skógarreitir sem nú eru til af ösp eru í Austur-Húnavatnssýslu og á Suðurlandi: http://halldors.blog.is/blog/halldors/entry/1161755/

...

Kringum tvítugsaldurinn hafði hann farið einn suður á vertíð. Þar kynntist hann stúlku og áttu þau saman vetrarlangt samband en upp úr slitnaði eins og stundum gerist. Stundlegur samsláttur tveggja sálna, sem áttu það eitt sameiginlegt að vera saman á vertíð og svo ekkert meir, reyndist ekki mikið byggingarefni í varanlegt samband.  . . . Því fór sem fór.  Afrakstur þessa ástarsambands varð drengur sem nú var kominn undir tvítugt . . . „Heldur þú Jón, að ungur maður suður á landi kæri sig eitthvað um að kynnast drykkfelldum verksmiðjukarli norður á Raufarhöfn?“ Nýja bókin Jóns Hjartarsonar er bæði sagnfræði og sögur úr lífinu, af verksmiðjukörlum á Raufarhöfn, menntaskólakrökkum frá MA og heilmikil úttekt á síldarárunum á Íslandi frá 1960 til 1967 og „tileinkað fólkinu á Raufarhöfn sem lagði sig fram en bar skarðan hlut frá borði þegar yfir lauk.“ Jón Hjartarson/ Veislan í norðri, Vestfirska forlagið 2011

Það sem er bæði gott og vont, hvernig á að taka afstöðu til þess segir Pétur Gunnarsson rithöfundur/Læsi er lífsgæði: http://vefblod.visir.is/index.php?s=5743&p=125824

Lognkyrru má kalla veður blaðberanna í morgun, óþarfir mannbrodda sagði blaðberinn sem ég hitti í morgun, en í gær vorum við báðir á broddum.

Vinaþanka má kalla góðan pistil Sig. Árna í blaðinu í dag: http://vefblod.visir.is/index.php?s=5743&p=125828

                                    Í kirkju

                    Kuldinn gerir bláan bjór
                            á bókaþór við morgunslór
                            kraftur er sljór, en fjörið fór
                            frjósa skór í Urða-kór.

                                    Á vökunni

                            Grundarvakan grunar mig
                            gjöra mun sult í okkar búk, 
                            sjöstjörnurnar sýna sig
                            suður á móts við Stórahnjúk.

                                    Draugavísa

                            Endast dagur, eg það finn, 
                            eitthvað er nú á ferðum, 
                            drottinn leiði drösulinn minn,
                            dimmt er á Bakkagerðum.  
                                            Magnús Einarsson á Tjörn 1734-1794 

    Tveir dagar til þorra, þ. e miður vetur.

    Hregg í hægri norðanátt, pollar í förum, það glymur í þöglum húsum þegar bréfberar þramma um klökugar gangstéttar og mannbroddarnir hlymja við ísinn. Nýlega er búið að festa upp blaðakassa eftir áramótin, en þá voru þeir teknir niður til að varðveislu en hafa stundum orðið að skotspæni.

    Jólatréð vökað ennþá, Fr.bl. í dag:
 http://vefblod.visir.is/index.php?s=5740&p=125774

Úttekt á máli Geirs Haarde gerir Kolbeinn Óttarsson Proppé

http://vefblod.visir.is/index.php?s=5740&p=125764 

    Lítum á veðurannál grannans á Bakkanum  http://brim.123.is/blog/2012/01/15/594375/
    
    Akureyrarvefur:
 http://www.visitakureyri.is/is/akureyri-150-ara/akureyri-150-ara

 Jón forseti allur – Táknmyndir þjóðhetju frá andláti til samtíðar Rv. 2011

    Áhugi sagnaritarans Páls Björnssonar beindist að því hvernig ímynd JS hafði verið nýtt í tilraunum til að þrýsta þjóðinni saman og hve ólíkir hópar höfðu komið að því byggingarstarfi. Páll segir í eftirmála bókarinnar:

„Yfirgnæfandi meirihluti landsmanna telur enn að Jón Sigurðsson sé mikilvægt sameiningartákn. Ákveðin rök hníga þess vegna að því að kalla megi Jón Sigurðsson ekki aðeins táknrænan föðurm frelsara og forseta íslenska þjóðríkisins heldur einnig fjallkarl – að honum hafi í framhaldslífi sínu verið skipað á bekk með fjallkonunni, en bæði eru í sviðsljósinu á 17. júní.“

Íslandskort - stækkanlegt: http://i.ja.is/map/#x=373780&y=580411&z=2 

    Dagshríðarspor svíða segir Þormóður Kolbrúnarskáld á bls. 92:  http://books.google.is/books?id=-2ItAAAAMAAJ&pg=PA92&lpg=PA92&dq=dagshr%C3%AD%C3%B0ar+spor&source=bl&ots=ZMu6acW6rI&sig=55Er5iRhJoPEniqCd2t3UxjIJt0&hl=is&sa=X&ei=8xEVT92IOdOChQf0srWEAg&ved=0CE0Q6AEwCA#v=onepage&q=dagshr%C3%AD%C3%B0ar%20spor&f=false

Einkennilegt hvernig eitt orð sest að í huga, árla morguns eftir ljúfan nætursvefn. 

    Hebba í Brekku í dáin, lést á Sjúkrahúsinu á Sauðárkróki á fimmtud. og verður jarðsungin laugard. 21. jan. frá Löngumýrarkapellu kl. 14. Sjá Fr.bl. í dag 
    Hebba og þær Brekkumæðgur voru voru miklir máttarstólpar í tónlistarfélaginu meðan við héldum því úti í Skagafirðinum, bæði var þangað góð ráð að sækja og ekki síður þegar kom að því að hella þyrfti upp á kaffi í félagsheimilinu og taka á móti góðum gestum og músikköntum. Heimili þeirra hjóna, Óskars Magnússonar og hennar, var rómað fyrir gestrisni, myndarskap og hlýju. Þar var ræktaður skógur, þangað sóttu börn og vel í horfi haldið. 

Íslensk hollusta á RUV 1 í morgun:
 http://www.ruv.is/sarpurinn/okkar-a-milli/17012012
 http://islenskhollusta.is/

Kóra- og messudagur, organistinn fór á fund með EBS formanni kirkjukórs í gærmorgun til að ráðgera frekara vetrarstarf og vorferð og svo var haldin kóræfing í gærkveldi og stefnt að því að hittast næst 7. febr., halda þá aðalfund og undirbúa æskulýðsmessu í Villingaholtskirkju 12. febr. Um miðjan dag fór ritlarinn upp í Grímsnes, þar vantaði organista í Sólheimakirkju og það hlutskipti féll honum í hlut.

Ryð þú, röðla gramur,
ríklyndur og framur,
hölds hverri sorg
úr hjartaborg.  http://www.utfor.is/salmaskra/heyr_himna_smidir.htm  http://is.wikipedia.org/wiki/Heyr,_himna_smi%C3%B0ur

  Mestur æfingatíminn í gærkveldi fór í að æfa lag Þorkels við texta Kolbeins Tumasonar, sjá hér að ofan.

                            ritlað kl. 7
Drýpur af hússins upsum erlent regn sagði Jón Helgason, regnið hefur nú gert meira en drjúpa í nótt, það dundi á okkur þegar við komum heim af kóræf. í gærkv. og enn var mikil rigning þegar vaknað var um sjöleytið hér í húsi til nýs mánudags.

Ferðavefur: http://i.ja.is/

http://is.wikipedia.org/wiki/Halld%C3%B3ra_Bjarnad%C3%B3ttir

                Sóley vakir og bíður
                        svifar brimhvítu trafi 
                        – falla þá guðir geims 
                        í glóandi stafi
                        yfir hafi
                        yfir náttbláu hafi.

                        Þambara vambara þursinn er sterkur
                        heimurinn harður og sljór: 
                        úti í þeim grænu löndum 
                        er enginn snjór 
                        – samt deyja börnin úr hungri
                        ó kóngur almættis tignarstór.  
                                Jóhannes úr Kötlum/Sóleyjarkvæði – 2 vers, ósamstæð

Morgunsöngur verður í Grænumörk í dag kl. 10.30 - Vertu velkominn en nú er hált, rétt að koma á bíl.

                Fylgi þér Drottinn fram í skarðið Kiða
                        þó hann skilji þar við þig 
                        það kemur ekki par við mig. 
                            Gömul vísa úr safni Sveinbjörns Beinteinssonar

                        Fyrir allt mitt ferðalag
                        fæ ég litla borgun.
                        Nú má ekki drekka í dag
                        ef duga skal á morgun. 
                                        Jón Árnason Víðimýri 1830-1876

Sögufélagið Húnvetningur stendur fyrir fundum á Blönduósi og Skagaströnd á næstu mánuðum: http://sogufelag.blogcentral.is/

Orðavinda – íslensk orðaþraut: http://ordid.is/forsida/

    Aukaritl kl. 14      
Fjölsótt var í morgunsönginn í Grænumörk í morgun, byrjuðum á að syngja áramótalög, ÓliÓl. söng um nafna sinn Liljurós og við tókum undir, sungum svo Sigga í Súluholti, Jóa í Stapa og Ragnar Böðvars; gestalisti: Björg Sig., Guðmunda Kr. Þórdís Kr., Ól.Ól., Ragnhildur Ein., Ragnar Þórðars., Halldór Magg., Sveinbj. Guðm., Hjalti Þórðar, Sæmundur Hrólfs, Heiðrún Hallgr.,María Hrólfsd. Halldóra Haraldsd., Hörður Stefánsson, Unnur Ingadóttir, Erla Rúna og Sigurlín Guðný Ingvarsdóttir. 

Kristín Vala Ragnarsdóttir prófessor, Baldvin Jónsson sölumaður og Hrafn Jökulsson  rithöfundur tóku þátt í Vikulokunum í dag,
Hafi þið ekki gott um aðra að segja ættuð þig bara að þegja! kenndi faðir Kr. Völu börnum sínum, sprenglært hávaðarifrildi sagði Illugi, verndum kúastofninn, sjálfbært samfélag sagði Baldvin:

: http://www.ruv.is/sarpurinn/vikulokin/14012012

                Vestanáttar voða él
                        vekja reiða sjóa. 
                        Rísa þeir hátt við himinhvel
                        halda inn Breiðaflóa.

                        Veðra glymur ógnar önd
                        olli dauðans grandi.
                        Nú er brim á Barðaströnd
                        og bára á Rauðasandi. 
                                                    Ólína Andrésdætur
                                                    Vestanrok við Breiðafjörð 2.&3. vers

Við viljum ekki tala illa um andstæðinga okkar, ekki heldur lítilsvirðandi, þetta var inntakið í ræðu Jóns borgarstjóra Gnarr þegar Sigmar reyndi að kreppa að honum í Kastljósinu í gærkveldi, gott hjá Gnarr, þeir settu þetta í stefnuskrána, megi sem flestir verða rakkþreyttir og snúa sér hiklaust og án ótta að viðfangsefnum sem alls staðar bíða.  
 http://ruv.is/sarpurinn/kastljos/11012012 

Hér getum við séð sinfóníuna í Hörpu, nýárstónleika þeirra og Diddúar sem sjónvarpað var í gærkveldi:

http://www.ruv.is/sarpurinn/vinartonleikar-sinfoniuhljomsveitar-islands/11012012

    Óveðurs- og ófærðardagur í öllum landshlutum í gær, m.a.s. FSu felldi niður kennslu, það var vegna kennara sem þurftu yfir Hellisheiðina og skólabíla austan að en skólar á Selfossi störfuðu annars, landgræðslustarfsmenn frá Selfossi lögðu ekki af stað austur fyrr en kl. að ganga 11, höfðu símasamband og fylgdust með moksturstækjum og Hellisheiðin lokuð í allan gærdag, en Þrengslunum var haldið opnum.

         Oddný G. Harðardóttir, nýr fjármálaráðherra,  var vel kynnt í nærmynd dagsins hjá Stöð tvö í gærkveldi: http://www.visir.is/section/MEDIA99&fileid=VTV837E9710-1B74-4BFE-8F79-3D101CF70C9E

        Bestu bandamenn séra Bjarna við þjóðlagasöfnuna voru erlendir tónfærðingar og sjálfmenntaðir, framfarasinnaðir menn sem höfðu aflað sér góðrar þekkingar á tónlist og höfðu að auki glöggan skilning á hlutverki tónlistar í menningunni. Enn einn úr þeim hópi var sveitarhöfðinginn Finnur Jónsson á Kjörseyri í Hrútafirði sem sendi Bjarna langan pistil um góða söngmenn víða um land, einkum í gamla stílnum. Hann sagði af nokkurri aðdáun frá manni sem hafði „geysi-mikil og skær hljóð“ og Tröllatunguættin var „kölluð söngætt og söngur þess fólks Tröllatungu-söngur, þótti mörgum sá söngur ekki laus við viðhöfn.“  Finnur sagði einnig frá Einari Gíslasyni sem dvaldi í Fornahvammi og „hafði ágæt sönghljóð og var óreiðigjarn gleðimaður.“ Viðar Hreinsson/Eldhugi við ysta haf bls. 269

    Gerð kvikmynd um Ragnar í Smára:
http://vefblod.visir.is/index.php?s=5721&p=125431

    Þingeyrar, hestabú og fornt menntasetur: http://www.thingeyrar.is/

    Rúmlega ársgamlar íbúatölur fyrir sveitarfélög á Íslandi: http://atlas.lmi.is/sveitarfelog/

    Sigrún Haraldsdóttir hefur velt fyrir sér hálkuvörnum og röksemdunum: Það að bera sand á svell er svakalega vitlaust ef svo þarf að fjarlægja hann síðar. Við þessar hugrenningar tók húsmóðirin í mér dálítið viðbragð sagði Sigrún:

                Að vaska upp disk er vitlaust starf
                og vanþakklátt og strítt
                og eftir notkun þvo hann þarf
                og þerra upp á nýtt.
                                            Sigrún Haraldsdóttir
                                        Pétur Blöndal skráði í Vísnahorn í dag